“Smile Albania 2019, punësim për 500 të rinj

Në Fakultetin e Shkencave të Natyrës, në Tiranë u prezantua projekti “Smile Albania 2019 ” për punësimin e mbi 500 të rinjve. Në këtë aktivitet ku i pranishëm ishte ministri i Turizmit dhe Mjedisit, Blendi Klosi u zhvilluan diskutime për njohjen e punësimit sezonal edhe si praktikë mësimore, me qëllim njohjen e krediteve nga fakulteti.

“Pas suksesit në vitin 2018, rikthehet “Smile Albania” 2. Një nga projektet ambicioze, me në fokus turizmin shqiptar dhe punësimin e mbi 500 studentëve, që do të jenë ambasadorët e promovimit të “pasaportës” turistike shqiptare, në disa gjuhë”,- u shpreh Klosi. “Mbi 30 qendra informacioni në destinacionet turistike më të kërkuara nga turistët, në të gjithë Shqipërinë. Pakti për Universitetin, në fazë diskutimi me dekanatet e fakulteteve që punësimi sezonal në “Smile Albania” të vlerësohet si praktikë mësimore, me qëllim njohjen e krediteve gjatë procesit të studimit”, -përfundoi fjalën e tij ministri i Turizmit dhe i Mjedisit.

Gjatë vitit 2018, 1000 të rinj u përfshinë në promovimin e turizmit duke ndihmuar në organizimin e mikpritjes, dhënies së informacioneve të nevojshme tek turistët, zbuluar trashëgiminë kulturore, reklamimin e bukurive të natyrës, por edhe për të promovuar ndjeshmërinë në mbrojtjen e plazheve tona.Të rinjtë e “Smile Albania” do t’i mirëpresin turistët përgjatë 2019 jo vetëm me buzëqeshje, por edhe me pastrimin e zonave të mbrojtura duke plotësuar kështu një tjetër dimension të rëndësishëm të projektit, mbrojtjen e mjedisit.

Post Author: smile.albania

Leave a Reply

Your email address will not be published.